التنبيه يوصلك على طول
إشعار على موبايلك على طول، على كل جهاز داخل بحسابك.
جرّبها هنا قبل ما تطبع
دوس على رسالة في موبايل اللي واقف قدام العربية، وشوف بتوصل إزاي لصاحبها.
اختار رسالة
مستني تنبيه… اختار رسالة من الموبايل التاني
بترد بضغطة، والرد بيوصله على نفس الصفحة.
عايز تجرّبها بجد؟ صوّر الكود اللي على الستيكر بكاميرا موبايلك، أو افتح صفحة العربية التجريبية. افتح العربية التجريبية
شكله إيه بالظبط؟
دي صور حقيقية من كلاكس: الصفحة اللي بتفتح لأي حد يصوّر الكود، والتنبيهات زي ما بتوصلك انت.
مين بيشوف إيه؟
الفكرة كلها إن حد يقدر يوصلك عند عربيتك من غير ما يعرف عنك حاجة.
اللي بيصوّر الكود
بيشوف
- رسايل جاهزة يختار منها
- ردّك عليه، على نفس الصفحة
- آخر رقمين من اللوحة — بس لو انت فعّلتها
عمره ما هيشوف
- رقم موبايلك
- اسمك
- رقم اللوحة كامل
انت
بيشوف
- نوع الرسالة ووقتها
- رقمه — بس لو هو كتبه بنفسه مع رسالته
عمره ما هيشوف
- مين هو — إلا لو عرّف نفسه بنفسه
- مكانه — مش بنعرفه أصلاً
الستيكر نفسه
كود عشوائي وبس — مفيهوش اسم ولا رقم لوحة ولا أي حاجة تدل عليك. ولو حد ضايقك، بتغيّر الكود بضغطة وتطبع واحد جديد.
تلات أشكال جاهزة للستيكر، وتقدر ترسم شكلك بنفسك.
بنجمع أقل بيانات ممكنة ونديك حق تمسحها كلها ساعة ما تحب — زي ما بيقول قانون حماية البيانات الشخصية المصري.اقرا سياسة الخصوصية
كلاكس بيشتغل إزاي؟
تلات خطوات، مرة واحدة بس، وببلاش.
اطبع الستيكر
سجّل، ضيف عربيتك، ونزّل ملف الستيكر جاهز للطباعة من صفحة العربية.
الزقه على الإزاز
على الإزاز الأمامي بحيث الكود يبان من بره. الملف فيه نسخة معكوسة لو حابب تلزقه من جوه.
التنبيه بيوصلك
أي حد يصوّر الكود يختار رسالة جاهزة، ويوصلك تنبيه على طول — من غير ما يعرف رقمك ولا اسمك.
إيه اللي بتاخده معاك
ستيكر ببلاش
نزّل الملف واطبعه في أي مكتبة. مقاس جاهز، وفيه نسخة عادية وواحدة معكوسة.
وضع السفر
أوقف كل استيكراتك بضغطة وانت مسافر، ورجّعهم لما ترجع — بنفس الستيكر المطبوع.
من غير تحميل أبلكيشن
بيشتغل من المتصفح على أي موبايل، وتقدر تحطه على الشاشة الرئيسية زي أي تطبيق.
كلاكس على موبايلك، بالطريقة اللي تريحك
نفس الحساب ونفس الستيكر في التلاتة — اختار اللي يناسبك.
من المتصفح — من غير تحميل
افتح كلاكس من متصفح موبايلك واستخدمه على طول. ومن قايمة المتصفح اختار «إضافة للشاشة الرئيسية» علشان يبقى ليه أيقونة ويفتح زي أي تطبيق.
ابدأ من المتصفح دلوقتيآيفون
التطبيق على App Store قريبًا. لحد ما ينزل، افتح كلاكس من سفاري وضيفه للشاشة الرئيسية — بيشتغل بنفس الطريقة.
قريبًا علىApp Store
أسئلة بتتسأل كتير
اضغط على أي سؤال علشان تفتح الإجابة.
كلاكس ببلاش؟
أيوه. التسجيل ببلاش، والستيكر بتنزّله وتطبعه بنفسك ببلاش. مفيش اشتراك ولا رقم كارت.
اللي بيصوّر الكود لازم ينزّل تطبيق أو يسجّل؟
لأ خالص. بتفتح له صفحة ويب فيها رسايل جاهزة، يختار اللي بيوصف الموقف ويبعت — من غير تسجيل ومن غير تحميل. والصفحة بتنتهي لوحدها بعد ساعة. عربية قافلة عليك دلوقتي؟ شوف الخطوات العملية.
هو ممكن يعرف رقمي أو اسمي أو رقم اللوحة؟
أبدًا، إلا لو انت بنفسك اخترت. الصفحة مفيهاش اسمك ولا رقمك ولا رقم اللوحة، والستيكر نفسه مجرد كود عشوائي. الاستثناءات كلها بإذنك انت وكلها مقفولة من الأول: تقدر تخلي آخر رقمين من اللوحة يبانوا عشان اللي قدام العربية يتأكد إنها عربيتك، وتقدر تشغّل «كارت التعريف» فتعرض اسمك أو شغلك أو رقم للتواصل. غير كده، مفيش أي حاجة عنك بتبان.
صاحب العربية بيعرف عني إيه لما أصوّر كود؟
نوع الرسالة ووقتها وبس — مش بيشوف مين انت ولا رقمك. اللي يزيد على كده انت اللي بتختاره: تقدر تكتب اسمك مع أي رسالة، وتقدر تسيب رقمك مع أي رسالة لو عايزه يكلمك. الاتنين اختياريين، وبيوصلوا لصاحب الحاجة هو بس، متخزنين مشفّرين، وبيتمسحوا لوحدهم بعد 30 يوم. ولو رد عليك، الرد بيظهر في نفس الصفحة من غير ما حد فيكم يعرف حاجة عن التاني. ولو عايز يوصلك إشعار بالرد، دوس «ابعتلي إشعار لما يرد» مرة واحدة: مش محتاج حساب، والإشعار بيوصل على الجهاز ده بس، لأي تنبيه تبعته منه، ولحد 30 يوم من آخر تنبيه — وتقدر توقفه في أي وقت من نفس الصفحة.
بسجّل إزاي؟
بحساب جوجل، وده الطريق الوحيد للدخول — مش بناخد رقم موبايلك أصلاً. التنبيه بيوصلك إشعار على الموبايل على طول.
حد بيستخدم الكود ويضايقني — أعمل إيه؟
من صفحة العربية اضغط «غيّر الكود»: الكود القديم بيبطل خالص وتطبع ستيكر جديد. وتقدر كمان توقف الستيكر مؤقتًا، أو تحدد كام تنبيه يبعتهولك الشخص الواحد في الساعة.
لسه عندك سؤال؟
مركز المساعدة فيه تفاصيل أكتر عن الستيكر والتنبيهات ووضع السفر. ولو محتاج حد يرد عليك، ابعتلنا إيميل.