مركز المساعدة

الموضوع كله بياخد دقيقتين، وببلاش.

1. 1ادخل بحساب جوجل — من غير كود ولا انتظار.
2. 2ضيف عربيتك واديها اسم تعرفها بيه، زي «اللانسر». رقم اللوحة مش مطلوب خالص.
3. 3من صفحة العربية اضغط «نزّل الستيكر جاهز للطباعة (PDF)».
4. 4اطبعه والزقه على الإزاز الأمامي بحيث الكود يبان من بره.

الملف فيه نسخة عادية ونسخة معكوسة، علشان تقدر تلزقه من جوه الإزاز برضه.

لو انت الواقف قدام العربية: مفيش تسجيل، ومفيش أي حاجة تتحمّل.

• •بتفتح لك صفحة فيها رسايل جاهزة — اختار اللي بيوصف الموقف: قافلة عليا، النور شغال، هتتشال بالونش، وغيرها.
• •صاحب العربية بيوصله التنبيه على طول، من غير ما يعرف مين انت ولا رقمك. ومش هيعرف اسمك ولا رقمك إلا لو انت كتبتهم بنفسك مع الرسالة.
• •سيب الصفحة مفتوحة — لو رد عليك، زي «جاي حالاً»، الرد بيظهر في نفس الصفحة.

رقمه مش بيبان ليك أبدًا، ورقمك مش بيوصله غير لو انت كتبته بنفسك. والصفحة بتنتهي لوحدها بعد ساعة.

غالبًا واحدة من التلاتة دول:

• •الإشعارات لسه مش مفعّلة على الجهاز: افتح الإعدادات واضغط «فعّل الإشعارات»، ولازم تسمح للمتصفح بيها لما يسألك.
• •ساعات الهدوء شغالة: من 10 بالليل لحد 6 الصبح مفيش إشعار، غير التنبيه المستعجل. التنبيه بيفضل موجود في قايمة التنبيهات وتشوفه أول ما تفتح.
• •نوع الرسالة متكتّم: في الإعدادات فيه قايمة «تنبيهات من غير إشعار» — اتأكد إن النوع اللي بتستناه مش متعلّم عليه.

الإشعار على الموبايل هو الطريقة الوحيدة اللي التنبيه بيوصلك بيها وانت بره التطبيق، فخلّي التنبيهات مفعّلة على جهاز واحد على الأقل. وأي تنبيه ما وصلكش بيفضل مستنيك في قايمة التنبيهات.

مسافر، أو مش عايز حد يوصلك فترة؟

1. 1من الإعدادات اضغط «أوقف كل الاستيكرات» — كل عربياتك بتقف مرة واحدة.
2. 2اللي يصوّر الكود هيلاقي صفحة عادية من غير أي بيانات، ومش هيعرف يبعتلك حاجة.
3. 3لما ترجع اضغط «رجّع كل الاستيكرات تشتغل» — بنفس الستيكر المطبوع، مش محتاج تطبع تاني.

لو عايز توقف عربية واحدة بس، اعملها من صفحة العربية نفسها.

أقل بيانات ممكنة، ومحدش بيشوف رقم حد إلا لو هو نفسه كتبه.

• •اللي بنخزنه: إيميل حساب جوجل اللي بتدخل بيه، اسم عربيتك، والتنبيهات اللي وصلتلك — واسمك لو انت كتبته في الإعدادات. ولو حسابك القديم كان مفتوح برقم موبايل، الرقم ده متخزن مشفّر.
• •اللي ما بيظهرش لحد أبدًا: رقمك واسمك. ورقم اللوحة بيظهر بس لو إنت اخترت كده. صفحة المسح مفيهاش أي بيانات عنك غير اللي إنت شغّلته.
• •الاستثناء الوحيد باختيارك انت: لو فعّلت «اعرض آخر رقمين من اللوحة» علشان اللي بيصوّر يتأكد إنها عربيتك.
• •امسح حسابك في أي وقت من الإعدادات: بيتشال كل حاجة، والتنبيهات القديمة بتتفصل عنك.
• •لو طلبت استيكر مطبوع وعلّمت على «احفظ البيانات دي للطلب الجاي»، بنحفظ اسمك ورقمك والمحافظة والعنوان مشفّرين في حسابك عشان طلبك الجاي يبقى أسرع. بيفضلوا لحد ما تمسحهم من الإعدادات أو تمسح حسابك.

بنجمع أقل بيانات ممكنة ونديك حق تمسحها كلها ساعة ما تحب — زي ما بيقول قانون حماية البيانات الشخصية المصري.

فيه طريقتين، وكل واحدة ليها حالتها:

• •الستيكر باهت أو اتقطع: نزّل الملف تاني من صفحة العربية واطبعه. نفس الكود، وكل حاجة بتفضل زي ما هي.
• •حد بيضايقك أو الكود وصل لحد مش عايزه: اضغط «غيّر الكود» من صفحة العربية — الكود القديم بيبطل خالص ولازم تطبع الستيكر الجديد.

لو بعت العربية، غيّر الكود قبل ما تسلّمها.