امسح حسابك وبياناتك
حسابك ملكك. المسح بيتم من إيدك انت، فورًا، ومن غير ما تبعت طلب لحد ولا تستنى موافقة.
آخر تحديث: 11 سبتمبر 2026
الخطوات
تلات خطوات وخلاص:
- افتح كلاكس — من التطبيق أو من الموقع — وادخل بحساب جوجل.
- روح على «الإعدادات».
- دوس «امسح حسابي» وأكّد. الحساب بيتشال في نفس اللحظة، ومفيش تراجع.
مش لازم يكون التطبيق متثبت عندك — افتح klaksapp.com من أي متصفح، نفس الخطوات بالظبط.
اللي بيتمسح فورًا
إيميلك واسمك، الحاجات اللي ضفتها، استيكراتك وأكوادها، الأجهزة المسجّلة عندك للتنبيهات، وأي دعوات مشاركة ليك أو منك — ولو حسابك القديم كان مفتوح برقم موبايل، الرقم ده كمان. بتتشال نهائيًا من قاعدة البيانات — مش بتتعلّم بعلامة «متمسوح» وتفضل مخزّنة.
اللي بيفضل بعد ما تمسح
لو مسحت حسابك، بياناتك والحاجات اللي ضفتها واستيكراتها بتتمسح نهائيًا وقتها. التنبيهات القديمة بتفضل أرقام مجهولة بس — من غير أي حاجة توصّل ليك. وبيانات اللي صوّر الكود مش بتاعتك، فمش بتتمسح مع حسابك، وليها مواعيدها لوحدها: لو ساب رقم أو اسم، ده بيختفي من التنبيه بعد 30 يوم (أو في نفس اللحظة لو مسحت حسابك)، وسجل الإدارة عنه — وفيه الاسم لو كان كتبه — بيفضل 180 يوم، أو لحد سنتين لو في بلاغ أو حظر.
مش قادر توصل لحسابك؟
لو حساب جوجل اللي سجّلت بيه ضاع منك وما تقدرش تدخل، ابعتلنا من أي إيميل وإحنا هنمسح الحساب من عندنا. اكتب الإيميل اللي كان مسجّل بيه عشان نلاقيه.
إيميل الدعمsupport@klaksapp.com
ممكن نطلب منك حاجة بسيطة تثبت إن الحساب بتاعك — عشان محدش يمسح حساب حد تاني.